तेरहौता गाविस–५ नयाँ वस्तीकी ३५ वर्षीया सन्तोषी चौधरी राईको हत्याको आरोपमा प्रहरी हिरासतमा रहेका उनका पति ३६ वर्षीय नरेश राई ०७२ वैशाख ७ गते थुनामा परेका छन् । जिल्ला न्यायाधीश तेजनारायण पौडेलको आदेशले आरोपित पुर्पक्षका लागि राजविराज कारागारमा थुनामा परेको जिल्ला अदालतले जनाएको छ । मादक पदार्थ सेवन गरेका आरोपितले खाना नपकाएको भन्दै ०७१ चैत ९ गते राति पन्युले र चैत १० गते बिहान मुक्काले कुटपिट गर्दा पीडितको चैत १० गते बिहान मृत्यु भएको थियो । हत्याको आरोपमा आरोपितलाई प्रहरीले चैत १० गते गिरफ्तार गरेको थियो । मनोहरकुमार पोखरेल