एक महिलालाई कालोमोसो दली गाउँ घुमाएको आरोपमा प्रहरीले ७ जना महिलालाई पक्राउ गरेको छ । सतबरीया ७ बनघुस्री निबासी चौधरी थरकी ति महिलालाई कालोमोसो दल्नुका साथै कपाल काटेर गाउँ घुमाएको उजुरी आएपछि गएको प्रहरीले ७ जना महिलालाई पक्राउ गरि अनुसन्धान अघि बढाएको जनाएको छ । एक बर्ष अघि गाउँमा अनैतिक सम्बन्ध राखेको र आर्थिक लेनदेनका कारण देखाउदै जम्मा भएका एक सय बढी महिलाले चौधरीलाई अमानविय कार्य गरेको वडाप्रहरी कार्यालय लमहीका प्रहरी निरीक्षक लक्ष्मण बहादुर शाहीले जानकारी दिए । दोषी पाइएम सार्वजनिक ऐन अन्तर्गत कार्बाही प्रकृया अघि बढाइने प्रहरीले जनाएको छ ।