केएमसी-१७, नायाबजारमा १९-वर्षीय युवकलाई खुकुरीले आक्रमण गरेको आरोपमा बिहीबार पुलिसले  ८ जनालाई पक्राउ गरेको छ।  बनस्थलीको सुवास छान्ट्याललाई १० जनाको समूहले हिजो आक्रमण गरी भागेको प्रहरीले जनाएको छ। ती मध्ये आठलाई महानगरीय प्रहरी परिसर काठमाडौं र महानगरीय प्रहरी वृत्त लानेचौरबाट खटाइएको प्रहरीले चौमाटी, स्वयम्भु, केएमसी-१५ बाट पक्राउ गरेको प्रहरीले जनाएको छ। प्रहरीले उनीहरुबाट एक मोटरसाइकल, एक स्कुटर, तीन खुकुरी र एउटा कुहुर पनि बरामद गरेको छ। थप अनुसन्धान भइरहेको छ।