अपहरणपछि हत्या गरिएका सुकिपुर गाविसका श्रवणकुमार भण्डारीको हत्यामा संलग्न रहेको भन्दै स्थानीयले सोही गाविसका दिनेश यादवको घरमा आगजनी गरेका छन्। मृतक बालकका आफन्त र पक्षधरहरुले हत्यामा दिनेशको हात रहेको भन्दै उनको घरमा आगजनी गरेका हुन्। त्यहाँको स्थिति बिहीबार साँझ तनावपूर्ण छ । आक्रोशित स्थानीयलाई रोक्न प्रहरीले पाँच राउण्ड हवाई फायर र ६ राउण्ड अश्रुग्यास प्रहार गरेको छ। स्थानीयको आक्रमणबाट शसस्त्र प्रहरी सुकिपुरका शसस्त्र प्रहरी निरीक्षक प्रद्युम्न थापाको टाउकोमा चोट लागेको छ। स्थिति अहिले प्रहरीले नियन्त्रणमा लिएको छ ।