रुपन्देहीमा बाबुको हत्या गरेको आरोपमा एक जनालाई प्रहरीले पक्राउ गरेको छ । जिल्ला प्रहरी कार्यालय रुपन्देहीले छिपागढ ९ का ५० वर्षिय विजय थारुको हत्या गरेको आरोपमा २० वर्षका छोरा अर्जुनलाई पक्राउ गरेको जनाएको छ । अर्जुनले गएको सोमबार राती बुबालाई काठको पिर्काले हानेर हत्या गरेको आरोप छ । हत्यापछि नवलपरासीको अमरोडमा रहेको ससुरालीमा लुकेर बसेका अर्जुनलाई पक्राउ गरेर अनुसन्धान सुरु गरिएको प्रहरीले जनाएको छ ।