मकवानपुरको छतिवनमा बोक्सोको आरोपमा दुई जनामाथि कुटपिट भएको छ । छतिवनको कत्लेखोलाका ७० वर्षका मानबहादुर थिङ र उनका ४२ वर्षका छोरा लालबहादुरलाई स्थानीय बासिन्दाले बोक्सोको आरोपमा कुटपिट भएको प्रहरीमा उजुरी परेको छ । स्थानीय एक महिलाको मानसिक सन्तुलन गुमेपछि थिङ बाबुछोरालाई बोक्सोको आरोपमा कुटपिट भएको र पीडकलाई कारबाहीको माग गर्दै उजुरी परेको प्रहरीले जनाएको छ । पीडकलाई उपस्थित गराउने आदेश दिइएको मकवानपुरका डिएसपी शिशु शर्माले बताउनुभयो ।