बोक्सीको अरोपमा एक युवकले महिलालाई कुटेका छन् । नवलपरासी कोल्हुवा –८ ढेडाकी ६९ वर्षकी सोमकुमारी महतोलाई छिमेकी लालबहादुर थनेतले बोक्सीको आरोपमा कुटेर हात भाँचिदिएका हुन् । बिहीबार राती घरमा सुतिरहेकी महतोलाई ढोका खोल्न लगाई कुटपिट गरेको सोमकुमारीका छोरा कुलबहादुर महतोले बताउनुभयो । बोक्सीको आरोपमा कुटिएपछि थनेतलाई कारबाहीको माग गर्दै महतोले प्रहरी चौकी कोल्हुवामा उजुरी दिनुभएको छ । कुटपिट गर्ने लालबहादुर थनेत भने फरार रहेको प्रहरीले जनाएको छ ।