भोजपुरको धोद्लेखानी गाविसमा कार्यरत् गाविस सचिव गोपाल चिमरियालाई झुण्डिएको अवस्थामा भेटिएको छ । मोरङ्ग घर भएका चिमरिया शनिबार विहान गाविस कार्यालयभित्रै झुण्डिएको अवस्थामा स्थानीयबासिन्दाले फेला परेका हुन् । सचिव चिमरिया नयाँ नियुक्ति भएर झण्डै ६ महिनाअघिबाट निजामति सेवामा कार्यभार सम्हाल्नुभएको थियो । गाविस कार्यालयका सहयोगी सिताराम ढकालका अनुसार शुक्रबार दिउँसो १ बजेतिर गाविसमा काम छ भनेर हिंडेका चिमरिया बेलुका कोठामा नफर्किएपछि विहान खोजी गर्दा कार्यालयभित्र झुण्डिएको अवस्थामा भेटिएको हो । स्थानीयबासिन्दाले घटनाको विषयमा प्रहरीलाई खबर गरेका छन् । घटनाको कारणबारे घटनास्थल गएर विस्तृत बुझेर अनुसन्धान गरेपछि मात्र थाहा हुने प्रहरीले जनाएको छ ।