त्रियुगा नगरपालिका-१२ चकलघाटकी ३६ वर्षीया रीता कार्कीले कुटपिट गर्ने पति ४३ वर्षीय विजय कार्कीविरुद्ध साउन १० गते जिल्ला प्रहरी कार्यालयमा निवेदन दिएकी छिन् । आरोपितले घरमा काम नगरेको भन्दै पीडितलाई साउन ८ गते साँझ कुटपिट गरेका थिए । कुटपिटबाट पीडितको पाखुरा, ढाड र पेटमा चोटपटक र नीलडाम देखिएको इन्स्पेक्टर डिल्लीबहादुर चौहानले बताए । साउन ९ गते घाइते अवस्थामा जिप्रका आइपुगेकी पीडितलाई प्रहरीले जिल्ला अस्पतालमा उपचार गराई सेफहाउसमा राखिएको र आरोपितउपर कारबाही प्रकृया अगाडि बढाइने बताए । भरत खड्का