१० वर्षीया बालिकालाई साउन १५ गते साँझ बलात्कार गरी पतौरा गाविस-६ का १७ वर्षीय बालक फरार भएको प्रहरीले जनाएको छ । पीडित बालिका गाउँ नजिकै रहेको उखुवारीमा घाँस काट्न गएका अवस्थामा आरोपित पटेलले वलत्कार गरी फरार भएको पीडितको अभिभावकले बताएका छन् । घाँस काट्न गएकी बालिका साँझ अबेर सम्म पनि घर नफर्किएपछि अभिभावकले खोजी गर्दा उखुबारीमा अर्धचेत अवस्थामा फेला पारेका थिए । पीडित बालिकाको अवस्था गम्भीर रहेकाले गाउँमा सामान्य उपचार गरी थप उपचारको लागि बीरगञ्ज स्थित नेशनल मेडिकल कलेजमा भर्ना गरिएको छ । आरोपित फरार रहेकाले उनको खोजी भइरहेको इलाका प्रहरी कार्यालय गरुडाका प्रहरी इन्सपेक्टर सन्तुलाल प्रसाद जैसवारले बताए । बिपिन गौतम