६ वर्षीया एक बालिकालाई साउन १६ गते बलात्कार गरेको आरोपमा ताप्लेजुङ नगरपालिका-३ का ३७ वर्षीय एक व्यक्तिलाई प्रहरीले साउन १८ गते बलात्कारसम्बन्धी मुद्दा दर्ता गरेको छ । प्रहरीले आरोपितलाई साउन १७ गते गिरफ्तार गरेको थियो । बालिकाको साउन १७ गते नै जिल्ला अस्पतालमा स्वास्थ्य परीक्षण गरिएको जिल्ला प्रहरी कार्यालय डीएसपी शान्तिराज कोइरालाले जानकारी दिए । पीडितका ठूलो बुवाले साउन १७ गते जिल्ला प्रहरी कार्यालयमा उजुरी दिएलगत्तै प्रहरी टोलीले आरोपितलाई गिरफ्तार गरेको थियो । पीडितको गोपनीयताका कारण आरोपितको र पीडितको ठूलो बुवाको नाम सार्वजनिक नगरिएको डीएसपी कोइरालाले बताए ।