नेकपा माओवादी (विप्लव) का कार्यकर्ताले मालपोत कार्यालय दमकका प्रमुख होमनाथ सेर्ढाईलाई साउन १८ गते दिउँसो भ्रष्टाचारमा संलग्न भएको आरोपमा कार्यकक्ष भित्रै मोसो खन्याएर दुर्व्यवहार गरेका छन् । विप्लव माओवादीका झापा सेक्रेटरी विवस किराँतीको नेतृत्वमा पुगेको २० जना कार्यकर्ताको टोलीले सेर्ढाईको शरीरभरि मोसो खन्याएर भागेका थिए । राजस्व अनियमितता गर्ने गरेको , विचौलियासँग मिलेर घुस खाने गरेको , जालझेल गरी जग्गा पास गर्ने गरेकोले आफ्नो पार्टीले बाध्य भई कारबाही गर्नु परेको माओवादीका सेक्रेटरी किराँतीले बताए ।