सरकारले भूकम्प पीडितलाई दिएको १५ हजार रुपियाँ राहत रकमको विषयमा विवाद हुँदा खानीगाउँ-९ का ४० वर्षीय रामबहादुर थापामगरले साउन २७ गते राती ४० वर्षीया पत्नी मेनुका थापामगरको हत्या गरेको जिल्ला प्रहरी कार्यालयले जनाएको छ । हत्यामा संलग्न रामबहादुर साउन २८ गते प्रहरीले गिरफ्तार गरी आवश्यक अनुसन्धान सुरु गरेको छ । रामवहादुरले साउन २७ गते गाविसमार्फत सरकारले जस्तापाता वापत उपलब्ध गराएको १५ हजार रुपियाँ बुझेर मदिरा सेवन गरी घर आएको छिमेकीहरुले बताएका छन् । सो रकम खर्च गर्ने विषयमा पति पत्नीबीच विवाद हुँदा आरोपिलते खुकुरीले रेटेर पत्नीको हत्या गरेको अवस्थामा प्रहरीले घरमै शव फेला पारेको प्रहरी नायब उपरीक्षक अरुण पौडेलले बताए ।