महोत्तरीको गौशालाबाट प्रकाशित हुने द पब्लिक टुडेका सम्पादक सन्तबहादुर क्षेत्री र प्रकाशक रामनारायण महतोलाई नवीन जनसेवा हस्पिटलका सञ्चालक तथा नेपाली काङ्ग्रेस महोत्तरी क्षेत्र नं.६ का क्षेत्रीय सभापति रामश्रृष महतोले साउन २९ गते राती ज्यान मार्ने धम्की दिएका छन् । समाचार सम्प्रेषणको विषयलाई लिएर महतोले आफूलाई धम्की दिएको पत्रिकाका सम्पादक क्षेत्रीले बताए । गत साउन २३ गते पत्रिकामा प्रकाशित हस्पिटलमा बिमारीमाथि कुटपिट शीर्षकको समाचार प्रकाशन गरेको भन्दै आफूलाई गालीगलौज गर्दै गुण्डाशैलीमा धम्की दिएको प्रकाशक महतोले जनाए ।