दैजी गाविस - ४ बगुनकी २१ वर्षीया कलावती धामीलाई उनका पति ३५ वर्षीय राम धामीले छोरी जन्माएको आरोपमा घरनिकाला गरेको भन्दै पीडितले भदौ २ गते जिल्ला प्रहरी कार्यालय, कञ्चनपुरमा उजुरी दिएकी छिन् । कलावती धामीको असार ४ गते छोरी जन्मेपछि उनका पतिले छोरी जन्माएको आरोप लगाउँदै घरनिकाला गरेको पीडितले बताइन् । पीडित कलावती जिल्लास्थित लैङ्गिक हिंसा पीडितहरूका लागि खुलेको जिल्ला सेवा केन्द्रमा आश्रय लिएर बसेकी छन् । कलावतीको उजुरीको आधारमा पीडितका पति राम धामीलाई गिरफ्तार गर्न स्थानीय प्रहरीलाई निर्देशन दिएको जिल्ला प्रहरी कार्यालय, कञ्चनपुरले जनायो ।