नेपाल आदिवासी जनजाति महासंघले आह्वान गरेको दुईदिने बन्दको प्रभाव ताप्लेजुङसहित पूर्वी पहाडी जिल्लामा पनि आइतबार बिहानैदेखि परेको छ । संविधानको नयाँ मस्यौदाको विरोध गर्दै महासंघले आइतबार र सोमबार दुई दिनका लागि बन्द आह्वान गरेको हो । बन्दका कारण ताप्लेजुङबाट बाहिरिने लामा तथा छोटो दुरीका कुनै पनि सवारी साधन चलेका छैनन् । शिक्षण संस्था, कलकारखाना, उद्योगधन्दा समेत बन्द छन् । अत्यावश्यकीय सवारीसाधनलाई भने बन्दमा चल्न दिइने महासंघले जनाएको छ । विगतमा सरकारले आदिवासी जनजातिसँग गरेको सहमति र अन्तरिम संविधानको भावनाविपरीत नयाँ संविधान ल्याउन लागिएको भन्दै विरोधस्वरुप महासंघले बन्द आह्वान गरेको हो ।