थरुहट संयुक्त सङ्र्घष समितिका कार्यकर्ताहरुले भदौ ६ गते बिहान लमही नपा- ५ फल्कापुरमा एउटा मोटरसाइलमा आगजनी गर्नुका साथै अन्य सावरी साधनमा समेत तोडफोड गरेका छन् । पुर्वबाट पश्चिम जाँदै गरेको रा २ प ५९४ नम्बरको मोटरसाइकलमा आगजनी गरेको वडा प्रहरी कार्यालय लमहीका इन्स्पेक्टर लक्ष्मण शाहीले बताए । त्यसै गरी एउटा जीप र एउटा बसमा तोडफोड गरेको भएपनि हालसम्म नम्बर नखुलेको प्रहरीले जनाएको छ । यसैबीच बन्दकर्ताले लमहीबाट भदौ ५ गते नियन्त्रणमा लिएका रा २ प ७२९९, रा २ प ९९३१, रा १ प ५२३५, रा १ प ८५१४, रा ३ प १४५६, बा ६६ प ७११६ नम्बरका मोटरसाइकल अझै फिर्ता नदिएको र नियन्त्रणमा लिनेहरु नै सर्म्पर्क विहीन भएको मोटरसाइकल धनी निर्मल रेग्मीले बताए ।