जन्तरखानी–२ ठाडे बजार बस्ने १०–१२ जना व्यक्तिहरु मादक पदार्थ सेवन गरी एकआपसमा झगडा भएपछि खुकुरी प्रहार गर्दा सिद्धिचरण नगरपालिका–३ बस्ने २३ वर्षीय सुमन राईसहित ८ जना घाइते भएका छन्। घाइतेहरुलाई उपचारको लागि मिसन अस्पताल ओखलढुङगा लगिएको छ। उनीहरुमध्ये सुमन, सिद्धिचरण नगरपालिका–५ बस्ने २१ वर्षीय सुनम राई, सिद्धिचरण नगरपालिका–२ बस्ने २१ वर्षीय अन्जुप राई र २४ वर्षीय सन्द राईलाई शनिवार थप उपचारको लागि हेलिकोप्टरद्वारा काठमाडौं शिक्षण अस्पताल महाराजगंज लगिएको छ। सबैजना बोल्न सक्ने अवस्थामा रहेको प्रहरीको केन्द्रीय समाचार कक्षले जनाएको छ।