संयुक्त लोकतान्त्रिक मधेशी मोर्चाका कार्यकर्ताहरुले जनकपुरको मुरलीचोकस्थित डिभिजन सहकारी कार्यालयमा तोडफोड गरेका छन् । निषेधित क्षेत्र भन्दा बाहिर रहेको सहकारी कार्यालयको हाताभित्र पसेर प्रदर्शनकारीहरुले भवनको झ्यालका सिसा फुटाउँदै आगजनीको प्रयास समेत गरेका छन् । समयमै प्रहरी पुगेपछि कार्यालय आगजनीबाट बचेको प्रत्यक्षदर्शीले जनाएका छन् । बन्दको २० औं दिन बिहीबार पनि जनकपुरमा प्रदर्शन भएको छ । बन्दकर्ताले ठाउँठाउँमा सडक अवरुद्ध गरेर एम्बुलेन्स समेत चल्न दिएका छैनन् ।