सुनसरीको दुहबीमा बिहीबार बिहान ४ बजे बन्दकर्ताहरुले दुईवटा गाडीमा तोडफोड गरी एउटामा आगजनी गरेका छन् । दुहवी-भलुवा नगरपालिका-७ स्थित कोसी राजमार्गमा को १ च २६९८ नंको मारुती भ्यानमा आगजनी गरेको पूर्व क्षेत्रीय प्रहरी कार्यालय, विराटनगरले जनाएको छ । बन्दकर्ताहरुले सयौँ गाडीलाई जबर्जस्ती रोकी आगजनी गरेर फरार भएका थिए । आगलागीबाट गाडी पूर्णरुपले जलेको छ । इलाका प्रहरी कार्यालयबाट खटिएको टोलीले आगो नियन्त्रण गरेको थियो । त्यसैगरी, सोही नगरपालिका–४ मा बा ९ च ५५१८ नम्बरको मारुती गाडीको सिसा फोरिएको छ । रासस