झापाको शनिअर्जुन नगरपालिकाबाट अपहरणमा परेका तीनजनालाई प्रहरीले सकुशल मुक्त गरेको छ । प्रहरीले अपहरणमा संलग्न दुई नेपाली र तीन भारतीय नागरिकलाई हतियारसहित पक्राउ गरेको छ । तीनजना भारतीय नागरिकलाई अपहरण गरी शनिअर्जुन नगरपालिकाको एउटा घरमा राखिएको अवस्थामा प्रहरीले उद्धार गरेको जिल्ला प्रहरी कार्यालय झापाका प्रवक्ता भीमबहादुर दाहालले जानकारी दिनुभयो । उनीहरुले युवालाई घर भाडामा लिएर धेरै अघिदेखी बन्धन बनाएर राखेको स्थानीय बासिन्दाले बताएका छन् । अपहरणकारीले उनीहरुका परिवारलाई फिरौती मागेको भारतीय प्रहरीले जानकारी गराएपछि पक्राउ गरिएको प्रहरीले जनाएको छ । प्रहरीले उनीहरुका साथबाट पेस्तोल र त्यसमा लाग्ने १४ राउण्ड गोली तथा एउटा गाडी पनि नियन्त्रणमा लिएको छ ।