अज्ञात समुहद्वारा बाँकेमा आइसिएलका जिल्ला नेता कुटिएका छन्। बाँके प्रहरीका अनुसार वाइसिएल बाँके सह–सचिव अकवर पठानमाथि आक्रमण भएको हो। मंगलवार राति अज्ञात समुहले खुकुरी, भालालगायत धारिलो हतियार प्रहार गरी उनीमाथि आक्रमण गरेको प्रहरीले जनाएको छ। जैयसपुरमा उनीमाथि आक्रमण भएको प्रहरीले जनाएको छ। आक्रमणमा संग्लन कलिम खान भनिने कल्लु फरार रहेको प्रहरीले जनायो। घाइते पठानको शिक्षण अस्पताल नेपालगन्जमा उपचार भइरहेको छ । पठानमाथि खुकुरी रड प्रहार भएको छ। यसैबीच वाइसिएल बाँकेले घटनाका दोषीलाई कारवाहीको माग गरेको छ। बुधबार एक विज्ञप्ति जारी गरी आक्रमणमा संग्लनलाई पक्राउ गरी तत्काल कानुनी कारवाहीको दायरमा ल्याउन माग गरिएको छ। बाँकेका सचिव गिरिराज भुषालद्वारा जारी विज्ञप्तिमा कारवाहीको माग गरिएको हो। आक्रमणकारीलाई पक्राउ नगरे आन्दोलन उत्रने चेतावनी विज्ञप्तिमा दिइएको छ ।