आठ वर्षीया एक बालिकालाई बलात्कार गरेको आरोपमा महमाइ गाविसका ५० वर्षीय तेजबहादुर लकान्द्रीलाई प्रहरीले असोज ८ गते गिरफ्तार गरेको छ । आफ्नी पत्नी घरमा नभएको समयमा ती बालिकालाई आफ्नै घरमा बोलाएर बलात्कार गरेको भन्दै पीडितका अभिभावकले दानाबारी प्रहरी चौकीमा आरोपितविरुद्ध असोज ७ गते जाहेरी दिएका थिए । बालिकाको स्वास्थ्य परीक्षण जिल्ला अस्पतालमा असोज ८ गते नै भएको छ । आरोपितविरुद्ध जबरजस्ती करणी अर्न्तर्गत जिल्ला अदालतमा मुद्दा दायर गरिने जिल्ला प्रहरी कार्यालयका इन्स्पेक्टर इश्वर थापाले बताए ।