कैलाली जिल्लाको मध्यवर्ती कोटा तुल्सीपुर गाविसको कार्यलयमा सोमबार राति आगजनी भएको छ । आगजनीको जिम्मा कसैले लिएको छैन । आगजनी वाट कार्यलयका फर्निचर र कागजात जलेर पूर्ण रुपले ध्वस्त भएका छन् । गत भदौ ७ गते एक नावालकसहित ८ सुरक्षाकर्मीको ज्यान जाने गरी टीकापुरमा घटेको हिंसात्मक घटना पश्चात कैलाली जिल्लामा श्रृखलाबद्ध तरिकाले गाविस कार्यलय र खाली प्रहरी चौकीमा आगजनी गर्ने कार्य दिन प्रति दिन वढ्दै गएको छ । केही दिनअघि रतनपुर गाविसको रामपुरस्थित छोटकी पलिया प्रहरी चौकी, गन्जुवा प्रहरी चौकी, पहलमानपुर गाविस, वौनियाा गाविस र धनसिंहपुर गाविसमा आगजनी गरिएको थियो ।