मधेश केन्द्रित दलका कार्यकर्ताले सोराभाग गाविस-३ कर्सिया बजारस्थित रंगेली विराटनगर सडक खण्डमा रंगेली बचत तथा ऋण सहकारी संस्थाको नाममा रहेको को १ च ७३७९ नम्बरको एम्बुलेन्स आन्दोलनकारीले तोडफोड गर्दै चालक सन्तोष चौधरी मण्डललाई नियन्त्रणमा लिएर पेप्सीको बोतल टाउकोमा प्रहार गरी घाइते बनाएको प्रहरीले जानकारी दिएको छ । घाइतेको उपचार विराटनगरस्थित गोल्डेन अस्पतालमा भइरहेको जिल्ला प्रहरी कार्यालयले जनाएको छ । घाइते चालक चौधरीले आक्रमणमा संलग्नमध्ये विजय मण्डल र सन्तोष राजवंशीलाई चिनेको बताए । इलाका प्रहरी रंगेलीका इन्स्पेक्टर नगेन्द्र कुँवरले आक्रमणकारीको खोजी भइरहेको बताए।