जिल्ला अदालत अछामले श्रीमती बेच्नेलाई ४४ वर्ष जेल सजाय सुनाएको छ । अछामको ढाँकु गाविस ९ का ५६ वर्षका अमर विष्टलाई अदालतले जेल सजायका अतिरिक्त तीन लाख १० हजार जरिवानाको फैसलासमेत गरेको छ । अछामका जिल्ला न्यायाधीश हरिप्रसाद उपाध्याय शर्मा पंगेनीको इजलासले बुधबार सो फैसाला गरेको नयाँ पत्रिकामा खबर छ । उनले साइँली श्रीमतीलाई भारतमा लगेर बिक्री गरेका थिए । मानव बेचबिखन तथा ओसारपसार नियन्त्रण ऐन ०६४ को कसुर ठहर गर्दै अदालतले सो सजाय सुनाएको अदालतका स्रेस्तेदार नेत्र माझीले बताए ।