कञ्चनपुरको बेलडाँडीमा नवजात शिशुको शव फेला परेको छ । बेलडाँडी–३ चौवन्नी बजारको खैरिघाट नजिकैको नहरमा नवजात शिशुको शव फेला परेको प्रहरीले जनाएको छ । महाकाली सिँचाई आयोजनाको मुल नहरमा तैरिरहेको अवस्थामा नवजात शिशुको शव फेला परेको हो । शिशुको शव नहरमा तैरिरहेको देखेपछि स्थानीय बासिन्दाले इलाका प्रहरी कार्यालय बेलडाँडीलाई खबर गरेका थिए । शिशुलाई जन्मिने बित्तिकै नहरमा फालिएको हुन सक्ने जिल्ला प्रहरी कार्यालय कञ्चनपुर प्रहरी प्रवक्ता केदार खनालले जानकारी दिनुभयो । दुई तीन दिन अघि शिशुको हत्या भएको हुन सक्ने र घटनाबारे अनुसन्धान भैरहेको प्रहरीले जनाएको छ ।