१२ वर्षीया एक बालिकालाई बलात्कार गरेको ठहर गर्दै जिल्ला अदालतले मङ्सिर ६ गते ३४ वर्षीय एक पुरुषलाई १८ वर्षकैद सजाय र पीडितलाई ५० हजार क्षतिपूर्तिको फैसला गरेको छ । जिल्ला अदालतले जबरजस्तीकरणीमा ८ वर्ष र हाडनाताकरणीमा थप १० वर्षगरी १८ वर्षको कैद सजायको फैसला गरेको हो । पीडितका आफन्तले वैशाख २४ गते वडा प्रहरी कार्यालय वालिङमा उजुरी दिएका थिए । आरोपितलाई वैशाख २४ गते प्रहरीले गिरफ्तार गरेको थियो । आमा वैदेशिक रोजगारीमा गएको मौका पारी आरोपित बाबुले आफूलाई बलात्कार गरेको पीडित बालिकाले बताइन् । बालिकाको उपस्वास्थ्य चौकी वालिङमा वैशाख २४ गते स्वास्थ्य परीक्षण गरिएको थियो । जिल्ला अदालतले आरोपितलाई ०७२ जेठ २४ गते पुर्पक्षका लागि थुनामा राख्ने आदेश दिएको थियो । सङ्गीता भाट