२० वर्षीया एक महिलालाई मङ्सिर ५ गते बलात्कार गरेको आरोपमा विराटनगर उमनपा- १९ का ४० वर्षीय राजु चौधरीलाई प्रहरीले मङ्सिर ७ गते गिरफ्तार गरेको छ । पीडितले दिएको उजुरीका आधारमा आरोपितलाई प्रहरीले गिरफ्तार गरेको इलाका प्रहरी कार्यालय रानीका इन्स्पेक्टर गंगाप्रसाद पौडेलले बताए । पीडितको स्वास्थ्य परीक्षण विराटनगरस्थित कोसी अञ्चल अस्पतालमा मङ्सिर ६ गते भएको प्रहरीले जनायो । आरोपितविरुद्ध cजिल्ला अदालतबाट म्याद थपी अनुसन्धान भइरहेको इन्स्पेक्टर पौडेलको भनाइ छ । सुकदेब चौधरी