बहुअपांगता भएकी युवतीलाई बलात्कार गरेको आरोपमा गोरखा भुम्लिचोकका एक बृद्ध पक्राउ परेका छन् । भुम्लिचोक–३ गैरीगाउँका ७० वर्षका इन्द्रबहादुर गुरुङलाई प्रहरीले शनिबार पक्राउ गरेको हो । गुरुङले गएको चैत ७ गते राम्रोसँग बोल्न र सुन्न नसक्ने गाउँकै १८ वर्षकी युवतीलाई बलात्कार गरेको गाउँलेले बताएका छन् । बाख्रा चराउन खेतमा गएका बेला गुरुङले युवतीको बलात्कार गरेको गाउँलेको भनाई छ । युवतीको बलात्कार गर्दै गर्दा गुरुङलाई उनकै श्रीमतीले देखेपछि स्थानीय बासिन्दालाई खबर गरेकी थिइन् । एक हप्ता अघिको घटना भएपनि प्रहरीले गुरुङलाई शनिबारमात्रै पक्राउ गरेको हो । बालिकाको गोरखा अस्पतालमा स्वास्थ्य परीक्षण गरिएको छ ।