२१ वर्षीया एक युवतीलाई बलात्कार गरेको आरोपमा धर्ना गाविस-३ का ६० वर्षीय रामप्रसाद न्यौपानेलाई प्रहरीले मङ्सिर २५ गते गिरफ्तार गरेको छ । शारीरिक र मानसिक अपाङ्गता भएकी युवतीलाई ललाइफकाइ मङ्सिर १० गते घरनजिकै बाँसघारीमा बलात्कार गरेका थिए । पीडितका अभिभावकले मङ्सिर २४ गते उजुरी गरअस्पतालमा आधारित लैङ्गिक हिंसा विरूद्धको एकद्धार प्रणाली (ओसीएमसी) राप्ती उपक्षेत्रीय अस्पतालमा स्वास्थ्य परीक्षण भएको प्रहरीले जनाएको छ । पीडित परिवारले मङ्सिर २५ गते जिल्ला प्रहरी कार्यालयमा दिएको जाहेरीका आधारमा न्यौपानेलाई गिरफ्तार गरी अनुसन्धान सुरु गरिएको जिल्ला प्रहरी कार्यालय दाङका डिएसपी धनबहादुर कठायतले बताए । जे.एन.सागर