मलङ्गवा नपा-१० निवासी मधेश पोष्टका पत्रकार २९ वर्षीय विश्वनाथ ठाकुर र पिपरिया गाविस-२ निवासी कान्तिपुर टेलिभिजनका पत्रकार ३६ वर्षीय ओमप्रकाश ठाकुरलाई पुस ६ गते र्सलाही सदरमुकाम मलंगवामा प्रदर्शनकारी र प्रहरीबीच झडप भइरहेको दृश्यको फोटो खिच्ने क्रममा प्रहरीले दुर्व्यवहार गरेको छ। प्रहरी र प्रदर्शनकारीबीच भएको झडपको दृश्य खिच्न खोज्दा प्रहरीले गालीगलौज गर्दै पत्रकारद्वयलाई क्यामरा फुटाइदिन्छु, भन्दै प्रहरीले दुर्व्यवहार गरेको पीडितले बताए । झडपको दृश्य सङ्कलनका क्रममा प्रहरीले आफूलाई फोटो खिचेको खण्डमा क्यारा फुर्टाई दिने र गोली हान्ने भन्दै दुर्व्यवहार गरेकाले समाचार संकलनमा समस्या हुनुका साथै आफू असुरक्षित महसुस गरेको कान्तिपुर टेलिभिजनका पत्रकार ठाकुरले बताए ।