पर्साको वीरगञ्ज भन्सार नाकामा धर्नामा बसेका आन्दोलनकारी र भारतबाट सामान ल्याउने स्थानीय बासिन्दाबिच बुधबार राति झडप भएको छ । राति धर्नामा बसेको समयमा वीरगञ्ज अहिरवा टोलबाट ५/७ जनाले मोटरसाइकलमा सामान ओसार्न थालेपछि रोक्न खोज्दा आन्दोलनकारी र सामान ल्याउन खोज्ने स्थानीय बासिन्दाबिच झडप भएको हो । झडपमा ८ जना घाइते भएका छन् । सामान ल्याउन खोज्ने तर्फ ५ जना र आन्दोलनकारी तर्फ ३ जना घाइते भएका हुन् । भन्सार नजिकै रहेको पशुपतिनगर अहिरवा गाउँका केही व्यक्तिले सामान ल्याईरहेको देखेर आन्दोलनकारीले रोक्न खोज्दा दुवै पक्षबिच झडप भएको प्रहरीले जनाएको छ । यसअघि बुधबार स्थानीय व्यापारीले धर्नाकारीलाई लखेटेर सामान वीरगञ्ज भित्र्याएका थिए ।