शिशु हत्या अभियोगमा एक महिलालाई प्रहरीले पक्राउ गरेको छ । भोजपुरको पात्लेपानी गाविस ४ की सीता कटुवाललाई नियन्त्रणमा लिई प्रहरीले हिरासतमा राखेको छ । आरोपी कटुवालले अवैध गर्भबाट जन्माएको छोरालाई मंसिर २७ गते घाँटी थिचेर मारेको आरोप लागेको छ । उनका पति रमेश वैदेशिक रोजगारीका लागि खाडी मुलुकमा रहेका बेला गाउँले परपुरुषसित अवैध सम्बन्धबाट गर्भधारण गरेको बताएकी छन् । उनीविरुद्ध कर्तव्य ज्यान मुद्दा दर्ता गरेको प्रहरीले जनाएको छ । उनीसित यौनसम्पर्क गर्ने पुरुषको खोजी भइरहेको प्रहरीले जनाएको छ । गएको भूकम्पले घर क्षतिग्रस्त भएपछि कटुवाल परिवार छिमेकीमा बस्दै आएका थिए ।