खवाङ गाविस- ६ पुत्लीवाङकी ७२ वर्षीया बृद्धा रुमा गिरीको पुस १७ गते दिउँसो धारिलो हतियार प्रयोग गरी हत्या गरिएको छ । बृद्धा महिला घरमा एक्लै रहेको अवस्थामा हत्या भएको र घटना कसले किन गरेको हो केही थाहा नभएको मृतकका दाइका छोरा जालिम गिरीले जानकारी दिए । मृतकका छोरा पुस १६ गते लिवाङ्ग गाविसस्थित आफन्त कहाँ गएको, बुहारी विद्यालयको घरमा नभएको र नाती नातिनी विद्यालय गएको समयमा सो घटना भएको जलिमले बताए । घटनाको जानकारी पाएपछि तत्काल घटनास्थलमा प्रहरी पुगी घटनाको अनुसन्धान भइरहेको जिल्ला प्रहरी कार्यालयका इन्स्पेक्टर अञ्जान कोइरालाले बताए । मृतकले लगाएको गहना घटनास्थलमा भेटिएको प्रहरीले जनाएको छ । शवको पुस १८ गते जिल्ला अस्पतालमा पोष्टमार्टम भएको पीडित परिवारले जनाएका छन् । रविन्द्र पाण्डे