राजविराज नपा-५ रुपनी रोडस्थित महेशनाथ शर्मा लुइटेलको घरमा अज्ञात समूहले पुस १९ गते राति ९ बजे सकेट बम प्रहार गरेको छ । घरको दोस्रो तल्लाको ग्रिलमा ठोक्किएर सकेट बम भुईमा झरेर पडकिएकाले ठूलो क्षति हुन नपाएको सप्तरी प्रहरीले जानकारी दिएको छ । घटनास्थलमा डेढ इञ्च गोलाई र छ इञ्च लम्बाई भएको फलामको सकेट तथा पडकिएका फलाम र ईटाका टुक्राहरू फेला परेको एसपी भीमप्रसाद ढकालले बताए । घटनापछि स्थानीयवासी आतंकित बनेका छन् ।