सर्लाहीको कौडेनामा सडेको अवस्थामा एक बालिकाको शव फेला परेको छ । शव कौडेना गाविस-३ का रामसोगारथ चौधरीकी १२ वर्षकी छोरी रेखाकुमारी चौधरीको रहेको प्रहरीले बताएको छ । दुई हप्ता अघिदेखि बेपत्ता बालिकाको मंगलबार बिहान कौडेना गाविसकै एक नहरमा शव फेला परेको प्रहरीले जनाएको छ । बालिकाको खेतको डिलमा चिप्लिएर नहरभित्र डुब्दा ज्यान गएकाे हुनसक्ने प्रहरीले अनुमान गरेको छ । घटनाका सम्बन्धमा थप अनुसन्धान भइरहेको प्रहरी नायव उपरीक्षक रमेशकुमार खड्काले जानकारी दिनुभयो । बालिकाको शरीरका अधिकांश भाग कुकुर र स्यालले खाएको अवस्थामा शव फेला परेको प्रहरी नायव उपरीक्षक खड्काले बताउनुभयो । उनको शव पोष्टमार्टमका लागि सर्लाही सदरमुकाम मलंगवामा रहेको जिल्ला अस्पतालमा राखिएको छ ।