कल्याणपुर गाविस-३ निवासी स्वतन्त्र मधेस गठबन्धनका कार्यकर्ता ५६ वर्षीय उस्मान मियाँलाई राष्ट्रिय अखण्डतामाथि आँच आउने गतिविधिमा संलग्न रहेको आरोपमा प्रहरीले पुस २२ गते बनरझुलाबाट गिरफ्तार गरेको छ । बनरझुला माविमा स्वतन्त्र मधेसको पक्षमा कार्यक्रम गरिरहेका बेला मियाँ गिरफ्तार भएको सप्तरी प्रहरीले जनाएको छ । इलाका प्रहरी कार्यालय कडरबोनाले अनुसन्धानका लागि उनलाई नियन्त्रणमा राखेको हो ।