राजविराज नपा-१ स्थित सनराइज बैंक लिमिटेडका सुरक्षा गार्ड भगवतपुर गाविस-४ का ४५ वर्षीय रामसुन्दर यादवलाई पुस २४ गते मधेसी मोर्चाका कार्यकर्ताले कुटपिट गरी घाइते बनाएका छन् । बन्दको अवज्ञा गरी बैंक सञ्चालन गरेको भन्दै मोर्चाका कार्यकर्ताहरूले कुटपिट गरी घाइते बनाएको यादवले जानकारी दिए । लामो समयदेखि बन्द रहेका बैंक तथा वित्तीय संस्थाहरू केही दिनदेखि सञ्चालन हुन थालेकोमा घटनापछि पुनः बन्द भएको छ । घाइतेको राजविराजस्थित अञ्चल अस्पतालमा उपचार भएको र टाउकोमा दुईवटा टाँका लगाइएको प्रहरीले जनाएको छ । मनोहरकुमार पोखरेल