पाँच वर्षीया एक बालिकालाई ०७२ पुस २३ गते बलात्कार तथा अप्राकृतिक मैथुन गरेको आरोपमा लमजुङ जिल्ला इसानेश्वर गाविस १ घर भई लेखनाथ नपा १ भण्डारढिक निवासी ३१ वर्षीय होमनाथ सोतीलाई पुस २६ गते प्रहरीले गिरफ्तार गरेको छ । बालिकालाई घरमा कोही नभएको समयमा आरोपितले बलात्कार तथा अप्राकृतिक मैथुन गरेको भन्दै पीडितका आफन्तले पुस २४ गते इलाका प्रहरी कार्यालयमा उजुरी दिएका थिए । बालिकाको पुस २४ गते पश्चिमाञ्चल क्षेत्रीय अस्पताल पोखरामा स्वास्थ्य परीक्षण भयो ।