श्रीगाउँ–४ थपगाउँ निवासी ४१ वर्षीय ध्वजबहादुर केसीको स्थानीय युवाहरूको कुटपिटबाट मृत्यु भएको छ । पाँच दिनपहिले कुटाइ खाएका केसीको उपचारका क्रममा मंगलबार मृत्यु भएको हो । मदिरा सेवन गरेका युवाको कुटपिटबाट केसीको टाउकोमा गम्भीर चोट लागेको थियो । कुटपिटमा संलग्न चारजना युवालाई प्रहरीले यसअघि नै पक्राउ गरिसकेको छ । पक्राउ पर्नेमा श्रीगाउँ–५ सिमठाना निवासी प्रवीण चौधरी, सुमन चौधरी, रमेशलाल महतो र सुमन खड्का रहेको प्रहरीले बताएको छ ।