जिल्लाको विभिन्न स्थानमा बम विष्फोट गराउने मधेसी मसिहा भगत सिंह, शेर सिंह समूहका सदस्य फर्सेठ गाविस-६ का ३२ वर्षीय सुरेन्द्रकुमार यादवलाई प्रहरीले माघ १९ गते गिरफ्तार गरेको छ । गिरफ्तार यादवविरुद्ध जिल्ला प्रहरी कार्यालयले बम विष्फोट तथा अपहरण तथा शरीर बन्धक प्रयासको आरोपमा माघ १९ गते जिल्ला अदालतबाट म्यादसमेत थप गरेको इन्स्पेक्टर सुरज खड्काले जानकारी दिए । यादवको समूहले राजविराज नपा-५ रुपनी रोडस्थित महेशनाथ शर्मा लुइँटेलको घरमा पुस १९ गते राति ९ बजे सकेट बम प्रहार गरेको तथा घोघनपुर स्वास्थ्य चौकीका अहेव उपेन्द्रप्रसाद साहको कञ्चनरुप नपा-१ स्थित घरमा माघ ३ गते राती पाइप बम विष्फोट गराएको प्रहरीको आरोप छ ।