पेट्रोलियम पदार्थको मूल्य घटाउनुपर्ने माग गर्दै विद्यार्थीहरुले नेपाल आयल निगमको कार्यालय १ घण्टा घेराउ गरेका छन् । एमाओवादीसहित वैद्य र विप्लव नेतृत्वको माओवादी निकट विद्यार्थीहरुले बिहीबार १२ देखि १ बजेसम्म निगम कार्यालय घेराउ गरेका हुन् । अन्तर्राष्ट्रिय बजार अनुसार तेलको भाउ घटाउनुपर्ने, तेलको घटेको मूल्य अनुसार सवारी भाडा घटाउनुपर्ने मागसहित निगम कार्यालय घेराउ गरिएको अखिल क्रान्तिकारीका प्रवक्ता सुरेन्द्र बस्नेतले जानकारी दिए ।