आठ वर्षीया एक बालिकालाई बलात्कार गरेको आरोपमा सिनुरजोडा गाविस-८ का २१ वर्षीय प्रतोष साहलाई माघ २१ गते प्रहरीले गिरफ्तार गरेको छ । पीडित परिवारका अनुसार आरोपित साहले बालिकालाई विद्यालयबाट टिफिनमा घर फर्केको बेला जर्बजस्ती मुख थुनी घरभित्र लगी बलात्कार गरेका हुन् । पीडित बालिकाको जनकपुर अञ्चल अस्पतालमा उपचार भइरहेको छ । आरोपित साहलाई घटना लगत्तै गिरफ्तार गरेको जिल्ला प्रहरी कार्यालय धनुषाका असई धर्मेन्द्र साहले जनाए ।