उदयपुर/सात वर्षीया बालिका जबर्जस्ती करणी गरेको आरोपमा बिहीबार उदयपुरको सोरुङछबिसे– ६ शनिबोटका १३ वर्षीय बालक पक्राउ परेका छन् । घरमा कोही नभएको मौका छोपी उनले बुधबार बालिकालाई जबर्जस्ती करणी गरेको उजुरी परेको इलाका प्रहरी कार्यालय कटारीका प्रहरी प्रमुख प्रहरी नायब उपरीक्षक दीपक बस्नेतले बताए । बालिकाले परिवारका सदस्यलाई आफूमाथि बलात्कार भएको बताएपछि घटना बाहिर आएको हो । आरोपितविरुद्ध प्रहरीले बिहीबार अनुुसन्धान प्रक्रिया अगाडि बढाएको डिएसपी बस्नेतले बताए । उनका अनुसार बालिकाको कटारी अस्पतालमा स्वास्थ्य जाँच गरिएको छ ।