एकतीन गाविस- ९ का २१ वर्षीया विमला राउत अधिकारीलाई कुटपिट गरेको आरोपमा ०७२ माघ २७ गते देवर २१ वर्षीय देवर कमल अधिकारीलाई प्रहरीले गिरफ्तार गरेको छ । घरायसी विवादका क्रममा पीडित माथि माघ २६ गते आरोपितले कुटपिट गरेका थिए । पीडितको जिल्ला अस्पताल पाँचथरमा स्वास्थ्य परीक्षण तथा उपचार गरिएको छ । घटनाका क्रममा सासू ६२ वर्षीया सावित्रा अधिकारीले समेत आफूलाई कुटपिट गरेको पीडितले बताईन् । पीडितका पति ३९ वर्षीया भगिरथ अधिकारीलाई समेत आरोपितहरूले कुटपिट गरी घाइते बनाएका छन् । टाउकोमा चोट लागेको उनको जिल्ला अस्पताल पाँचथरमा प्राथमिक उपचारपछि बिएससि अस्पताल विर्तामोड, झापामा रेफर गरिएको छ । पीडित पक्षको उजुरीपछि मुद्दा अगाडि बढाइने जिल्ला प्रहरी कार्यालयका इन्स्पेक्टर रिपेन्द्रकुमार सिंहले बताए ।