एक १८ वर्षीया युवतीलाई बलात्कार गरेको आरोपमा सुखिपुर नगरपालिका- ४ का १९ वर्षीय उपेन्द्र पासवानविरुद्ध जिल्ला प्रहरी कार्यालय सिरहाले फागुन २ गते मुद्दा दर्ता गरेको छ । पीडित परिवारका अनुसारआरोपितले माघ २४ गते बलात्कार गरेको आरोपमा जिल्ला प्रहरी कार्यालय सिरहामा माघ २५ गते जाहेरी गरेको बताए । बालिकाको स्वास्थ्य जाँच जिल्ला अस्पताल सिरहामा माघ २५ गते भएको थियो । जिल्ला प्रहरी कार्यालय सिरहाका डिएसपी एकनारायण कोइरालाका अनुसार बालिकालाई आरोपित उपेन्द्र पासवान र घटना गराउन सहयोग गर्ने सोही ठाउँका १८ वर्षीय रामु पासवान र १९ वर्षीय वीरेन्द्र पासवान समेतलाई माघ २९ गते गिरफ्तार गरी अनुसन्धानका लागि फागुन २ गते म्याद थप गराएको बताए ।