Binod Pandey एक १४ वर्षीय बालकलाई अप्राकृतिक मैथुन गरेको आरोपमा बागेश्वरी गाविस-८ का २५ वर्षीय प्रकाश मल्ललाई फागुन ४ गते जिल्ला प्रहरी कार्यालयले गिरफ्तार गरेको छ । बालकलाई काम लगाउने भनेर फकाएर लगेको र त्यहाँ यौनशोषण गरेको पीडित बालककी आमाले बताइन् । पुस अन्तिम साता घर फर्केको छोरा कसैसँग नबोल्ने, टोलाउने गरेकोले अस्पताल र धामी झाँक्रीसमेत गरेको उनले बताइन् । उनले भारतमा भएको घटना भन्दै प्रहरीले मुद्दा दर्ता गर्न नमानेको बताइन् । सिविन नेपालगञ्जको सहयोगमा पीडित बालकको उपचार फागुन ६ गते भेरी अञ्चल अस्पताल, नेपालगञ्जमा भयो । जिल्ला प्रहरी कार्यालयले घटना अनुसन्धान भइरहेको जानकारी दिएको छ । यद्दपि घटना दर्ता भने भएको छैन । घटनामा संलग्न अन्य पाँच जना रहेको र उनीहरू भारतमा रहेको पीडित परिवारले जानकारी दियो । विनोद पाण्डे