१५ वर्षीया एक बालिकालाई बलात्कार प्रयास गरेको आरोपमा कोटीला गाविस-२ का २३ वर्षीय दिपक शाहीलाई फागुन १५ गते जिल्ला प्रहरी कार्यलयले गिरफ्तार गरेको छ । पीडित बालिकाले फागुन १३ गते विद्यालय जान लागेको समयमा बलात्कार गर्न खोजेको भन्दै प्रहरीमा उजूरी गरेपछि शाहीलाई गिरफ्तार गरिएको जिल्ला प्रहरी कार्यलयका प्रमुख डिएसपी श्यामप्रसाद पौडेलले जानकारी दिए । पीडित बालिकाको फागुन १५ गते जिल्ला स्वास्थ्य कार्यालयमा स्वास्थ्य परीक्षण गरिएको छ ।