बालिका अपहरण गरेको अभियोगमा ललितपुरबा दुईजना पक्राउ परेका छन् । काभ्रे घर भई ललितपुरको च्यासल बस्ने बलराम पाण्डेकी आठ वर्षकी छोरी सम्झनालाई अपहरण गर्ने विनिता बास्कोटा भण्डारी र भिमसेन भण्डारीलाई प्रहरीले पक्राउ गरेको हो । नातामा देवर भाउजु पर्ने उनीहरुले सोमबार खेल्दै गरेकी सम्झनालाई च्यासलबाटै अपहरण गरेका थिए । उनीहरुलाई बुधबार काठमाडौंको चावहिलबाट पक्राउ गरिएको ललितपुर प्रहरी परिषरले जनाएको छ । प्रहरीले चावहिलबाटै बालिकाको उद्दार पनि गरेको छ । पक्राउ परेकी विनिताको श्रीमान चोरीको आरोपमा काभ्रेको जेलमा रहेका र उनलाई धरौटीमा छुटाउन पैसाको जोहो गर्ने उदेश्यले बालिकाको अपहरण गरेका प्रहरीले जनाएको छ ।